“ওঁঠ কাটি প্লেট পৰিধান কৰা এটা বিশেষ জনজাতি”
সময়ৰ পৰিৱৰ্তনৰ লগতেই আজিৰ সময়ত মানুহৰ জীৱন প্ৰণালীও সাল-সলনি হৈছে । আজিৰ এই সময়খিনিত পৃথিৱীৰ প্ৰত্যেকটো বস্তু, জাতি জনগোষ্ঠী সকলো উন্নীত হৈছে । কিন্তু এই বিজ্ঞান প্ৰযুক্তিবিদ্যা যুগতো পৃথিৱীত এনে কিছুমান জনজাতিয়ে বাস কৰি আছে, যিয়ে পৌৰাণিক কিছুমান ভয়ানক আৰু অদ্ভূত ৰীতি-নীতি, অন্ধবিশ্বাসৰ মাজত জীৱন প্ৰণালী অতিবাহিত কৰিছে । এই অন্ধবিশ্বাস আৰু ৰীতি-নীতিৰে আবৃত্ত এটা জনজাতি ।
এই জনজাতিটো পূৱ আফ্ৰিকাৰ ইথিও’পিয়া’ত বাস কৰা ভয়ানক “মুৰ্চি জনজাতি” । মুৰ্চি জনজাতিৰ মতে, কোনো অন্য ব্যক্তিক হত্যা নকৰাকৈ জীয়াই থকাতকৈ নিজেই নিজক হত্যা কৰাই ভাল । এই জনজাতিৰ লোকৰ বিশ্বাস যে- জীয়াই থকা কালছোৱাত আন এজন ব্যক্তিক হত্যা কৰিবই লাগিব, অথবা মৃত্যুৰ পাছত স্বৰ্গৰ দুৱাৰ তেওঁলোকৰ বাবে বন্ধ হৈ থাকিব ।
এই মুৰ্চি জনজাতি যিখন অৰণ্যত বাস কৰে, সেই অৰণ্যৰ ওপৰত চৰকাৰৰো নিয়ন্ত্রণ নচলে। এই মুৰ্চি সম্প্ৰদায়ৰ কিছুমান অদ্ভুত পৰম্পৰাও আছে। তথ্য অনুসৰি তেওঁলোকৰ অস্ত্র সমূহ চুবুৰীয়া ৰাষ্ট্ৰ ছুডান আৰু ছোমালিয়াৰ পৰা যোগান ধৰা হয় বুলি জানিব পৰা যায়। এই জনজাতিটোৰ অদ্ভুত কাণ্ড কৰ্ম দেখিলে সাধাৰণ লোক হৈ পৰে হতবাক । আচৰ্যজনক ৰীতি-নীতিও পালন কৰে এই সকল লোকে।
মুৰ্চি জনজাতিৰ মহিলাসকলে তেওঁলোকৰ ওঁঠৰ অংশৰ তলত মাটিৰে নিৰ্মিত কিছুমান প্লেট পৰিধান কৰে। তেওঁলোকৰ ছোৱালীৰ বয়স ১৫বছৰ হোৱাৰ লগে লগে ছোৱালীৰ মাক আৰু অন্য মহিলাসকলে লগ হৈ জীয়েকৰ ওঁঠৰ তলৰ অংশ কাটি দিয়ে। যেতিয়া এই ঘাঁ পকি যায়, তেতিয়াই ওঁঠত প্লেট পিন্ধাই দিয়া হয় আৰু তেওঁলোকৰ ছোৱালীৰ সৌন্দর্য্য এই লিপ প্লেটৰ ওপৰত নিৰ্ভৰ কৰা হয়। যদি প্লেটৰ আকাৰ সৰু হয় তেন্তে ছোৱালীজনীৰ সৌন্দর্য্য কম আৰু প্লেটৰ আকাৰ ডাঙৰ হ’লে, ছোৱালীজনীৰ সৌন্দর্যতা বৃদ্ধি পায় বুলি বিশ্বাস কৰা হয়
