১২০জনৰো অধিক লোক নিহত !

নিউজ ডেস্ক:২৯ ডিচেম্বৰ-চলিত সপ্তাহত সংঘটিত হ’ল দ্বিতীয়টো ভয়ংকৰ বিমান দুৰ্ঘটনা । দক্ষিণ কোৰিয়াৰ মুয়ান আন্তঃৰাষ্ট্ৰীয় বিমান বন্দৰত জেজু এয়াৰ নামৰ এখন যাত্ৰীবাহী বিমান দুৰ্ঘটনাগ্ৰস্ত । এই ভয়ংকৰ বিমান দুৰ্ঘটনাত বৰ্তমানলৈকে ১২০ জনৰো অধিক লোক নিহত। ১৮১ গৰাকী যাত্ৰী আছিল বিমানখনত । দুৰ্ঘটনাগ্ৰস্ত বিমানখন বেংককৰ পৰা উৰা মাৰিছিল । দক্ষিণ কোৰিয়াৰ মুয়ান আন্তঃৰাষ্ট্ৰীয় বিমান বন্দৰত অৱতৰণ কৰাৰ সময়তে দুৰ্ঘটনাগ্ৰস্ত হয় বিমানখন। বিমান দুৰ্ঘটনাৰ ভিডিঅ’ ইতিমধ্য সামাজিক মাধ্যমত ভাইৰেল হৈছে । দক্ষিণ কোৰিয়াৰ সময় অনুসৰি আজি পুৱা ৯ বজাত সংঘটিত হয় এই বিমান দুৰ্ঘটনা। এই বিমানৰ ভয়ংকৰ দুৰ্ঘটনাৰ পাছতে উদ্ধাৰ অভিযান অব্যাহত ৰখা হৈছে। অৱশ্যে এই বিমান দুৰ্ঘটনাত দুজন লোকক জীৱন্তে উদ্ধাৰ কৰা হৈছে বুলি দক্ষিণ কোৰিয়াৰ স্থানীয় সংবাদ মাধ্যমে প্ৰকাশ কৰিছে।