নিউজ ডেস্ক,৩১ডিচেম্বৰ ২০২৪ঃ-গুৱাহাটী মহানগৰীৰ দিগন্ত বৰাৰ স্থানত পাৰ্থ সাৰথি মহন্ত।গুৱাহাটীৰ নতুন আৰক্ষী আয়ুক্তৰ দায়িন্ত গ্ৰহণ পাৰ্থ সাৰথি মহন্তৰ। আনহাতে আৰক্ষী আয়ুক্ত দিগন্ত বৰাক বিশেষ শাখাৰ আই জি পি পদলৈ বদলি কৰা হৈছে।
তাৰোপৰি পাৰ্থ সাৰথি মহন্তক লাচিত বৰফুকন পুলিচ একাডেমীৰ সঞ্চালকৰো দায়িত্ব দিয়া হৈছে। মন কৰিবলগীয়া যে, ২০২৪ বৰ্ষৰ মাৰ্চ মাহত মহন্তক ৰাজ্যৰ যান-বাহন আৰু পথ সুৰক্ষাৰ আই জি পি হিচাপে পদোন্নতিসহ দায়িত্ব প্ৰদান কৰা হৈছিল ।
তাৰ পূৰ্বে তেওঁ এছ টি এফৰ ডি আই জি হিচাপে দায়িত্বত আছিল। এই দুই আৰক্ষী বিষয়াৰ উপৰিও আইন শৃংখলা শাখাৰ আই জি পি প্ৰশান্ত কুমাৰ ভূঞাক আই জি পি (প্ৰশাসন) হিচাপে বদলি কৰা হৈছে। ইফালে, আই জি পি অখিলেশ কুমাৰ সিঙক আইন-শৃংখলা বিভাগৰ দায়িত্ব দিয়া হৈছে।
